უსაფრთხოების აკადემია საქართველოს ეკონომიკურ ფორუმზე
უსაფრთხოების აკადემიის წარმომადგენლები დაესწრნენ საქართველოს ეკონომიკური ფორუმის 31-ე დისკუსიას თემაზე: „წყლის რესურსები და სატარიფო პოლიტიკა, ურბანული განვითარება, ეკონომიკური ზრდა და მდგრადი განვითარების მიზნები“.
ფორუმმა ერთ სივრცეში გააერთიანა სახელმწიფო უწყებების, ადგილობრივი თვითმმართველობების, მარეგულირებელი ორგანოების, კერძო სექტორისა, აკადემიური წრეების და საერთაშორისო კომპანიების წარმომადგენლები. დისკუსიის ფარგლებში განხილული იყო წყლის რესურსების ეფექტიანი მართვა, წყალმომარაგების სისტემების განვითარება, სატარიფო პოლიტიკა, ურბანული ინფრასტრუქტურის თანამედროვე გამოწვევები და მათი გავლენა ქვეყნის ეკონომიკურ ზრდასა და მდგრად განვითარებაზე.
ჩვენთვის, როგორც პროფესიული განათლების სფეროს წარმომადგენლებისთვის, განსაკუთრებით მნიშვნელოვანია იმ პროცესებში მონაწილეობა, რომლებიც ქვეყნის ეკონომიკურ, ინფრასტრუქტურულ და მდგრად განვითარებას განსაზღვრავს. წყლის რესურსების მართვა და თანამედროვე ურბანული ინფრასტრუქტურის განვითარება დამოკიდებულია არა მხოლოდ ტექნოლოგიებსა და ინვესტიციებზე, არამედ შესაბამისი ცოდნით, პრაქტიკული უნარებითა და უსაფრთხოების კულტურით აღჭურვილ ადამიანურ კაპიტალზე.
სწორედ პროფესიულ განათლებას აქვს მნიშვნელოვანი როლი ისეთი სპეციალისტების მომზადებაში, რომლებიც შეძლებენ წყალმომარაგების, ენერგეტიკის, გარემოსდაცვითი ტექნოლოგიების, შრომის უსაფრთხოებისა და ინფრასტრუქტურის სფეროებში თანამედროვე მოთხოვნების შესაბამისად მუშაობას.
უსაფრთხოების აკადემიისთვის მსგავს პლატფორმებში მონაწილეობა მხოლოდ წარმომადგენლობითი აქტივობა არ არის. ეს არის შესაძლებლობა, გავეცნოთ სექტორების რეალურ საჭიროებებს, გავიზიაროთ საუკეთესო პრაქტიკა, განვავითაროთ პარტნიორული ურთიერთობები და პროფესიული საგანმანათლებლო პროგრამებ
