სადიპლომო ჩათვლები დაიწყო — და ეს ძალიან მნიშვნელოვანი ეტაპია!
"შრომის უსაფრთხოებისა და გარემოსდაცვითი ტექნოლოგიების პროგრამააზე" სადიპლომო შემაჯამებელი წარდგენები დაიწყო.
2 წელი. 21 პროფესიული მოდული. რისკების კონტროლი, შრომის უსაფრთხოებისა და გარემოს დაცვის მენეჯმენტი, ნარჩენების მართვა, საგანგებო რეაგირება. მრავალი საათი საწარმოო პრაქტიკა რეალურ სამუშაო გარემოში, ოთხი შუალედური ჩათვლით. და ახლა დგება მომენტი, როცა სტუდენტმა ეს ყველაფერი უნდა წარმოაჩინოს — არა მხოლოდ დოკუმენტურად, სადიპლომო დავალების სახით, არამედ ცოცხლად, კომისიის წინაშე.
შემაჯამებელი წარდგენა იმიტომ არის მნიშვნელოვანი, რომ ის ცოდნას საქმედ აქცევს. სწორედ აქ ჩანს, შეუძლია თუ არა სტუდენტს რეალურად წარმოაჩინოს თავისი ცოდნა და უნარ-ჩვევები: დაინახოს რისკი მანამ, სანამ ის უბედურებად იქცევა, შეარჩიოს კონტროლის სწორი ზომა და მიიღოს გადაწყვეტილება მაშინ, როცა წამები წყვეტს ყველაფერს. ეს არ არის თეორიის გამეორება — ეს მიღებული კომპეტენციის დადასტურებაა.
და როცა სტუდენტი თავდაჯერებულად დგება და მტკიცედ წარმოაჩენს ორი წლის განმავლობაში დაგროვილ ცოდნასა და შეძენილ უნარებს, ეს ორმაგად საამაყოა. იმიტომ, რომ ეს პროფესია ჩვეულებრივი დიპლომი არ არის. ეს ის ადამიანები არიან, რომელთა ხელშიც ხვალ სხვისი სიცოცხლე, ჯანმრთელობა და გარემოს უსაფრთხოება იქნება. მათი ცოდნა — ეს ვიღაცის სახლში მშვიდად დაბრუნებული მამაა სამსახურიდან. ეს დაცული მშენებარე ობიექტია. ეს გადარჩენილი ბუნებაა.
ამიტომ დიდი პასუხისმგებლობით ვაფასებთ თითოეულ წარდგენას. აქ „ჩათვლა“ ნიშნავს მზადყოფნას, პასუხისმგებლობასა და პროფესიონალიზმს.
გვიხარია, რომ გამოიკვეთა წარჩინებულ სტუდენტთა ჯგუფი, ხოლო მათგან ყველაზე გამორჩეულს წარჩინების სიგელი გადაეცემა — იმ სიბეჯითის, პროფესიული კულტურის, თავაზიანობის, ცოდნის გაღრმავების წყურვილისა და სწავლისადმი ერთგულებისთვის, რომელიც კომისიის ყველა წევრმა გამორჩეულად დავინახეთ.
უსაფრთხოების კულტურის დანერგვა მხოლოდ პასუხისმგებელიან ადამიანს შეუძლია — იმ სპეციალისტს, რომელიც აცნობიერებს კულტურის მნიშვნელობას და თავად ხდება მაგალითი სხვებისთვის.
გილოცავთ ჩვენს სტუდენტებს ამ რთული ორწლიანი გზის წარმატებით გავლას. თქვენ დაიცავთ იმას, რაც ყველაზე ღირებულია.
