უსაფრთხოების აკადემიასა და ცირკულარული ეკონომიკისა და რესურსების მართვის ასოციაციას შორის თანამშრომლობის მემორანდუმი გაფორმდა

უსაფრთხოების აკადემია აგრძელებს პარტნიორული ქსელის გაფართოებას და მდგრადი განვითარების მიმართულებით კიდევ ერთ მნიშვნელოვან ნაბიჯს დგამს.

დღეს ხელი მოეწერა თანამშრომლობის მემორანდუმს ცირკულარული ეკონომიკისა და რესურსების მართვის ასოციაციასთან, რომლის მიზანია პროფესიული განათლების, შრომის უსაფრთხოების, გარემოსდაცვითი ტექნოლოგიების, ცირკულარული ეკონომიკის, რესურსების მართვის, განახლებადი ენერგიისა და ენერგომენეჯმენტის მიმართულებით ერთობლივი ინიციატივების განხორციელება.

თანამშრომლობა ითვალისწინებს:

თანამედროვე პროფესიული პროგრამებისა და ტრენინგების ერთობლივ განვითარებას;

სტუდენტებისა და პროფესიონალებისთვის პრაქტიკულ სწავლებასა და „მწვანე უნარებზე“ ორიენტირებული შესაძლებლობების შექმნას;

საწარმოო პრაქტიკის, სტაჟირებისა და დასაქმების ხელშეწყობას;

შრომის ბაზრის მოთხოვნებზე დაფუძნებული კვლევების, საერთაშორისო პროექტებისა და ინდუსტრიული პარტნიორობის განვითარებას;

ESG-ის, ცირკულარული ეკონომიკისა და მდგრადი განვითარების პრინციპების ინტეგრირებას პროფესიულ განათლებაში.

ეს თანამშრომლობა კიდევ ერთხელ ადასტურებს, რომ უსაფრთხოების აკადემია აქტიურად მუშაობს განათლებისა და ბიზნესის დაკავშირებაზე, თანამედროვე შრომის ბაზრის მოთხოვნებზე მორგებული პროგრამების შექმნასა და იმ სპეციალისტების მომზადებაზე, რომლებიც ქვეყნის მდგრად განვითარებას შეუწყობენ ხელს.