უსაფრთხოების აკადემია Partnership 4SDGs-ის ფორუმზე
უსაფრთხოების აკადემიისთვის განსაკუთრებით მნიშვნელოვანი იყო ბათუმში გამართულ ყოველწლიურ ფორუმში „პარტნიორობა მდგრადი განვითარების მიზნებისთვის“ მონაწილეობა, რომელიც საქართველოს მწვანე ეკონომიკაზე გადასვლის დაჩქარებას მიეძღვნა.
ფორუმზე განხილული იყო საერთაშორისო საფინანსო ინსტიტუტების სტრატეგიები და მწვანე საინვესტიციო პრიორიტეტები, მდგრადი დაფინანსების შესაძლებლობები, ასევე ჯანდაცვისა და სტუმართმოყვარეობის სექტორებში გარემოსდაცვითი პასუხისმგებლობის, რესურსების ეფექტიანი მართვისა და ESG პრინციპების დანერგვა.
ჩვენთვის, როგორც პროფესიული განათლების დაწესებულებისთვის, მსგავს დისკუსიებში მონაწილეობა მნიშვნელოვანია, რადგან მწვანე ეკონომიკაზე გადასვლა პირდაპირ უკავშირდება ახალი პროფესიული უნარების განვითარებას, კვალიფიციური კადრების მომზადებასა და შრომის ბაზრის სამომავლო მოთხოვნებს.
უსაფრთხოების აკადემია განაგრძობს გარემოს დაცვის, ენერგეტიკის, შრომის უსაფრთხოებისა და მდგრადი განვითარების მიმართულებით თანამედროვე საგანმანათლებლო პროგრამების განვითარებას და მზად არის, აქტიურად ჩაერთოს ამ სფეროში მიმდინარე ეროვნულ და საერთაშორისო ინიციატივებში.
