HACCP — სურსათის უვნებლობის სამდონიანი სასერტიფიკატო პროგრამებისურსათის უვნებლობა მხოლოდ პროდუქტის საბოლოო შემოწმებას არ ნიშნავს. უსაფრთხო პროდუქტის წარმოებისთვის აუცილებელია მთელი პროცესის მართვა: ნედლეულის მიღებიდან, შენახვიდან და დამუშავებიდან მზა პროდუქტის შეფუთვამდე, ტრანსპორტირებამდე და მომხმარებლისთვის მიწოდებამდე.
HACCP — საფრთხის ანალიზისა და კრიტიკული საკონტროლო წერტილების სისტემა — ორგანიზაციას ეხმარება სურსათის უვნებლობასთან დაკავშირებული საფრთხეების წინასწარ გამოვლენაში, შეფასებასა და კონტროლში.
სწორად შემუშავებული და დანერგილი HACCP სისტემა ხელს უწყობს:
ბიოლოგიური, ქიმიური, ფიზიკური და ალერგენული საფრთხეების პრევენციას; უვნებელი და სტაბილური პროდუქციის წარმოებას; საკანონმდებლო მოთხოვნებთან შესაბამისობას; საწარმოო პროცესების უკეთ მართვას; შეუსაბამო პროდუქციისა და დანაკარგების შემცირებას; მიკვლევადობისა და პასუხისმგებლობების გაძლიერებას; მომხმარებლებისა და ბიზნესპარტნიორების ნდობის გაზრდას.
უსაფრთხოების აკადემია გთავაზობთ HACCP-ის სამდონიან პრაქტიკულ სასერტიფიკატო პროგრამას.პროგრამები შექმნილია თანმიმდევრული პროფესიული განვითარების პრინციპით:
I დონე მსმენელს აცნობს სურსათის უვნებლობისა და HACCP-ის საფუძვლებს; II დონე ასწავლის HACCP გეგმის შემუშავებასა და სისტემის მართვას; III დონე ორიენტირებულია დოკუმენტაციის შექმნაზე, სისტემის პრაქტიკულ დანერგვასა და შიდა აუდიტზე.━━━━━━━━━━━━━━━━━━
I დონე — 4 საათი„HACCP-ის საფუძვლები და სურსათის უვნებლობა“
ეს არის შესავალი პროგრამა იმ პირებისთვის, რომლებსაც სურთ გაიგონ HACCP სისტემის დანიშნულება, სურსათის უვნებლობის ძირითადი საფრთხეები და თანამშრომელთა პასუხისმგებლობა უსაფრთხო პროდუქციის წარმოებაში.
ვისთვის არის განკუთვნილი?
სურსათის საწარმოების თანამშრომლებისთვის; კაფეების, რესტორნების, სასტუმროებისა და კვების ობიექტების პერსონალისთვის; საწყობის, ლოჯისტიკისა და დისტრიბუციის თანამშრომლებისთვის; საცალო და საბითუმო ვაჭრობის წარმომადგენლებისთვის; სკოლის, საბავშვო ბაღის, კლინიკისა და სხვა დაწესებულებების კვების ბლოკის თანამშრომლებისთვის; დამწყები ხარისხისა და სურსათის უვნებლობის სპეციალისტებისთვის; სურსათის უვნებლობით დაინტერესებული პირებისთვის.ტრენინგი მოიცავს:
სურსათის უვნებლობისა და ხარისხის განსხვავებას; HACCP სისტემის არსს, მიზანსა და გამოყენების სფეროს; ბიოლოგიური, ქიმიური, ფიზიკური და ალერგენული საფრთხეების მიმოხილვას; დაბინძურებისა და ჯვარედინი დაბინძურების წყაროებს; პირადი ჰიგიენისა და პერსონალის ქცევის მოთხოვნებს; ტემპერატურული რეჟიმის მნიშვნელობას; სურსათის უსაფრთხო მიღების, შენახვისა და მომზადების პრინციპებს; დასუფთავებისა და დეზინფექციის მნიშვნელობას; მავნებლების კონტროლის ძირითად მოთხოვნებს; GHP, GMP, SSOP და წინაპირობების პროგრამების ზოგად მიმოხილვას; HACCP-ის შვიდი პრინციპის გაცნობას; თანამშრომლის როლს HACCP სისტემის ყოველდღიურ მუშაობაში.სწავლის შედეგად მონაწილე შეძლებს ძირითადი საფრთხეების ამოცნობას, ჰიგიენური მოთხოვნების დაცვას და HACCP სისტემაში საკუთარი პასუხისმგებლობის გააზრებას.
წარმატებით დასრულების შემდეგ გაიცემა სერტიფიკატი:„HACCP-ის საფუძვლები და სურსათის უვნებლობა“
HACCP Fundamentals and Food Safety — Level I
━━━━━━━━━━━━━━━━━━
II დონე — 8 საათი„HACCP სისტემის შემუშავება და მართვა“
II დონე განკუთვნილია იმ პირებისთვის, რომლებიც მონაწილეობენ HACCP ჯგუფის მუშაობაში, საფრთხეების შეფასებაში, კრიტიკული საკონტროლო წერტილების განსაზღვრასა და სისტემის ყოველდღიურ მართვაში.
ვისთვის არის განკუთვნილი?
HACCP ჯგუფის წევრებისთვის; ხარისხისა და სურსათის უვნებლობის სპეციალისტებისთვის; სურსათის ტექნოლოგებისთვის; წარმოების ხელმძღვანელებისა და ცვლის უფროსებისთვის; კვების ობიექტების მენეჯერებისთვის; შიდა კონტროლისა და შესაბამისობის სპეციალისტებისთვის; სურსათის ბიზნესოპერატორებისა და მეწარმეებისთვის; HACCP სისტემის შემუშავებაზე პასუხისმგებელი პირებისთვის.ტრენინგი მოიცავს:
HACCP-ის შვიდ პრინციპსა და სისტემის შემუშავების თორმეტ ეტაპს; HACCP ჯგუფის შექმნასა და პასუხისმგებლობების განაწილებას; პროდუქტის, ნედლეულისა და მიზნობრივი გამოყენების აღწერას; მომხმარებელთა მოწყვლადი ჯგუფების განსაზღვრას; ტექნოლოგიური პროცესის ნაკადსქემის შედგენას; ნაკადსქემის ადგილზე გადამოწმებას; პროცესის თითოეულ ეტაპზე საფრთხეების გამოვლენას; საფრთხის ალბათობისა და შედეგის სიმძიმის შეფასებას; მნიშვნელოვანი საფრთხეების განსაზღვრას; პრევენციული და საკონტროლო ღონისძიებების შერჩევას; კრიტიკული საკონტროლო წერტილების — CCP-ების განსაზღვრას; CCP გადაწყვეტილების ხის გამოყენებას; კრიტიკული ზღვრების დადგენას; მონიტორინგის მეთოდების, სიხშირისა და პასუხისმგებელი პირების განსაზღვრას; გადახრებისა და შეუსაბამო პროდუქტის მართვას; მაკორექტირებელი ღონისძიებების დაგეგმვას; ვერიფიკაციისა და ვალიდაციის განსხვავებას; მიკვლევადობისა და პროდუქტის გამოთხოვის პრინციპებს; HACCP გეგმისა და შესაბამისი ჩანაწერების წარმოებას.
პრაქტიკული ნაწილი მოიცავს: ტექნოლოგიური პროცესის ნაკადსქემის შედგენას; საფრთხეების ანალიზის ცხრილის შევსებას; CCP-ების განსაზღვრას; კრიტიკული ზღვრების შერჩევას; მონიტორინგისა და მაკორექტირებელი ღონისძიებების დაგეგმვას; HACCP გეგმის ძირითადი ნაწილის მომზადებას.სწავლის შედეგად მონაწილე შეძლებს HACCP ჯგუფის მუშაობაში მონაწილეობას, საფრთხეების ანალიზის ჩატარებას, CCP-ების განსაზღვრასა და HACCP გეგმის ძირითადი ელემენტების შემუშავებას.
II დონეზე ჩარიცხვისთვის რეკომენდებულია I დონის გავლა ან სურსათის უვნებლობის საფუძვლების ცოდნა. წარმატებით დასრულების შემდეგ გაიცემა სერტიფიკატი:„HACCP სისტემის შემუშავება და მართვა“
HACCP System Development and Management — Level II
━━━━━━━━━━━━━━━━━━
III დონე — 12 საათი„HACCP სისტემის დოკუმენტაცია, დანერგვა და შიდა აუდიტი“
III დონე არის სიღრმისეული პრაქტიკული პროგრამა იმ პირებისთვის, რომლებმაც უნდა შეაფასონ საწარმო, შეიმუშაონ HACCP დოკუმენტაცია, დაგეგმონ სისტემის დანერგვა და შეამოწმონ მისი ეფექტიანობა.
ვისთვის არის განკუთვნილი?
HACCP კოორდინატორებისა და ჯგუფის ხელმძღვანელებისთვის; ხარისხისა და სურსათის უვნებლობის მენეჯერებისთვის; სურსათის ტექნოლოგებისთვის; საწარმოს ხელმძღვანელებისა და შესაბამისობაზე პასუხისმგებელი პირებისთვის; შიდა აუდიტორებისთვის; სურსათის უვნებლობის კონსულტანტებისა და ტრენერებისთვის; იმ სპეციალისტებისთვის, რომლებიც ორგანიზაციაში HACCP სისტემის დანერგვას გეგმავენ.ტრენინგი მოიცავს:
საწარმოს საწყისი შეფასებისა და GAP-ანალიზის ჩატარებას; HACCP სისტემის დანერგვის სამოქმედო გეგმის შემუშავებას; დოკუმენტების იერარქიისა და მართვის წესის განსაზღვრას; პოლიტიკების, პროცედურების, ინსტრუქციებისა და ჩანაწერების ფორმების მომზადებას; წინაპირობების პროგრამების დოკუმენტირებას; დასუფთავებისა და დეზინფექციის პროგრამის შექმნას; მავნებლების კონტროლის დოკუმენტაციას; წყლისა და საწარმოო გარემოს კონტროლს; ნარჩენების მართვის პროცედურებს; დანადგარებისა და ტექნიკური მომსახურების კონტროლს; საზომი მოწყობილობების შემოწმებისა და კალიბრაციის მართვას; მომწოდებლების შერჩევის, შეფასებისა და მონიტორინგის წესებს; ნედლეულის მიღებისა და შენახვის კონტროლს; ალერგენების მართვის პროგრამას; უცხო სხეულებისა და ქიმიური ნივთიერებების კონტროლს; მიკვლევადობისა და პროდუქტის გამოთხოვის პროცედურებს; საჩივრებისა და სურსათთან დაკავშირებული ინციდენტების მართვას; კრიტიკული ზღვრების დასაბუთებას; მონიტორინგის ჩანაწერების შემუშავებას; გადახრის, პროდუქტის იზოლაციისა და განკარგვის წესებს; ძირეული მიზეზების ანალიზსა და მაკორექტირებელ ღონისძიებებს; HACCP გეგმის ვალიდაციასა და ვერიფიკაციას; შიდა აუდიტის პროგრამის, გეგმისა და კითხვარის მომზადებას; შიდა აუდიტის ჩატარებასა და შეუსაბამობების დოკუმენტირებას; სისტემის ეფექტიანობის შეფასებასა და ცვლილებების მართვას. პრაქტიკული ნაწილი მოიცავს: საწარმოს საწყისი შეფასების კითხვარის მომზადებას; HACCP დოკუმენტების რეესტრის შექმნას; პროცედურისა და ჩანაწერის ფორმის შემუშავებას; HACCP გეგმის გადამოწმებას; შიდა აუდიტის კითხვარის შედგენას; შეუსაბამობისა და მაკორექტირებელი ღონისძიების ჩანაწერის მომზადებას; კონკრეტული საწარმოსთვის დანერგვის სამოქმედო გეგმის შედგენას.სწავლის შედეგად მონაწილე შეძლებს HACCP დოკუმენტაციის მომზადებას, სისტემის დანერგვის პროცესის დაგეგმვას, მისი მუშაობის გადამოწმებასა და შიდა აუდიტის ჩატარებას.
III დონეზე ჩარიცხვისთვის რეკომენდებულია II დონის გავლა ან HACCP სისტემის შემუშავების შესაბამისი ცოდნისა და გამოცდილების არსებობა. წარმატებით დასრულების შემდეგ გაიცემა სერტიფიკატი:„HACCP სისტემის დოკუმენტაცია, დანერგვა და შიდა აუდიტი“
HACCP System Documentation, Implementation and Internal Auditing — Level III
━━━━━━━━━━━━━━━━━━
პროგრამების პროფესიული საფუძველიპროგრამები შემუშავებულია შემდეგი მიდგომებისა და წყაროების გათვალისწინებით:
Codex Alimentarius-ის სურსათის ჰიგიენის ზოგადი პრინციპები და HACCP სისტემა; ISO 22000-ის სურსათის უვნებლობის მართვის პრინციპები; კარგი ჰიგიენური და საწარმოო პრაქტიკა — GHP და GMP; სანიტარიული სტანდარტული საოპერაციო პროცედურები — SSOP; წინაპირობების პროგრამები — PRP; საქართველოს სურსათის უვნებლობის სფეროში მოქმედი მოთხოვნები; რისკზე დაფუძნებული საერთაშორისო პრაქტიკა.
სასწავლო ფორმატიპროგრამები მოიცავს:
თეორიულ სწავლებას; პრაქტიკულ მაგალითებსა და შემთხვევების განხილვას; ჯგუფურ და ინდივიდუალურ სავარჯიშოებს; სამუშაო ფორმებისა და დოკუმენტების ნიმუშებს; მონაწილეთა ცოდნის შეფასებას; შესაბამისი დონის ქართულ-ინგლისურ სერტიფიკატს.
შესაძლებელია როგორც ინდივიდუალური, ისე კორპორაციული ჯგუფების რეგისტრაცია.კორპორაციული ტრენინგი შეიძლება მოერგოს ორგანიზაციის საქმიანობას, პროდუქციას, ტექნოლოგიურ პროცესებსა და რეალურ საფრთხეებს.
რეგისტრაციისთვის გადადით მითითებულ ბმულზე:
კორპორტატიული შეთავაზებისთვის, დამატებითი ინფორმაციისა და რეგისტრაციისთვის დაგვიკავშირდით.
