ხარაჩო დროებითი კონსტრუქციაა, თუმცა მის საიმედოობაზე ადამიანების სიცოცხლე, ჯანმრთელობა და მთელი სამუშაო პროცესის უსაფრთხოება დამოკიდებულია.ხარაჩოები ფართოდ გამოიყენება მშენებლობის, სარემონტო, სამონტაჟო, ფასადების მოწყობისა და სხვა სიმაღლეზე შესასრულებელი სამუშაოების დროს. არასწორად შერჩეულმა კომპონენტმა, არასაიმედო საყრდენმა, არასაკმარისმა დამაგრებამ, გადატვირთვამ ან არასათანადო ინსპექტირებამ შესაძლოა გამოიწვიოს კონსტრუქციის ჩამოშლა, სიმაღლიდან ვარდნა, მძიმე დაზიანება ან ფატალური შემთხვევა.
სწორედ ამიტომ, ხარაჩოს უსაფრთხოდ აწყობა, დემონტაჟი და ინსპექტირება მოითხოვს სპეციალურ ცოდნას, პრაქტიკულ უნარებსა და პასუხისმგებლობას. კვალიფიციურ სპეციალისტს უნდა შეეძლოს:
ხარაჩოს ტიპებისა და ძირითადი კომპონენტების სწორად შერჩევა; სამუშაო ადგილისა და საყრდენი ზედაპირის შეფასება; ხარაჩოს უსაფრთხოდ აწყობა და დემონტაჟი; კონსტრუქციის მდგრადობისა და დამაგრების შემოწმება; უსაფრთხო სამუშაო პლატფორმების, მოაჯირებისა და მისასვლელების მოწყობა; დასაშვები დატვირთვებისა და გამოყენების შეზღუდვების განსაზღვრა; ხარაჩოს გამოყენებამდე და ექსპლუატაციის პროცესში ინსპექტირება; ხარვეზების, საფრთხეებისა და შეუსაბამობების დროულად გამოვლენა; სიმაღლეზე მუშაობასთან დაკავშირებული რისკების მართვა.
უსაფრთხოების აკადემიის პროფესიულ კოლეჯში დაიწყო რეგისტრაცია პროფესიული მომზადების პროგრამაზე:
„ხარაჩოს უსაფრთხოდ აწყობა, დემონტაჟი და ინსპექტირება“პროგრამა განკუთვნილია მათთვის, ვისაც სურს შეიძინოს მოთხოვნადი პროფესიული ცოდნა და პრაქტიკული უნარები ხარაჩოების უსაფრთხოდ მოწყობისა და შემოწმების მიმართულებით.
პროგრამის მნიშვნელოვანი უპირატესობაა ის, რომ სწავლა 100%-ით ფინანსდება სახელმწიფოს მიერ: 100% სახელმწიფო დაფინანსება სწავლის ხანგრძლივობა: 6 კვირა პროგრამის მოცულობა კვირაში: 15 საათი პროგრამის საერთო მოცულობა: 90 საათი თეორიული სწავლება და პრაქტიკული მომზადება
პროგრამაზე დაშვების წინაპირობები:
საშუალო განათლება; გასაუბრების წარმატებით გავლა.პროგრამის ფარგლებში მსმენელები შეისწავლიან ხარაჩოს მოწყობის ძირითად პრინციპებს, უსაფრთხო აწყობისა და დემონტაჟის თანმიმდევრობას, კონსტრუქციის შემოწმების მეთოდებს, სიმაღლეზე მუშაობის უსაფრთხოების მოთხოვნებსა და პროფესიული საქმიანობის დროს გასათვალისწინებელ მნიშვნელოვან რისკებს.
ეს პროფესიული მიმართულება განსაკუთრებით მნიშვნელოვანია მშენებლობისა და სარემონტო სფეროში დასაქმებული პირებისთვის, ხარაჩოს ამწყობებისთვის, სამუშაოთა მწარმოებლებისთვის, ზედამხედველებისთვის და იმ ადამიანებისთვის, ვისაც სურს მოთხოვნადი პროფესიის დაუფლება და დასაქმების შესაძლებლობების გაზრდა.
ადგილების რაოდენობა შეზღუდულია.
გაიარეთ რეგისტრაცია მითითებულ ბმულზე:
