უსაფრთხოების აკადემია EVBB-ის ყოველწლიურ კონფერენციას უერთდება!
მოხარული ვართ, რომ „უსაფრთხოების აკადემიის პროფესიული კოლეჯი“, როგორც EVBB-ის — პროფესიული განათლებისა და ტრენინგის ინსტიტუტების ევროპული ასოციაციის — წევრი ორგანიზაცია, მონაწილეობას მიიღებს EVBB Annual Conference 2026-ში, რომელიც 18–20 ნოემბერს პარიზში გაიმართება.
წლევანდელი კონფერენციის თემაა: „ევროკავშირის პროფესიული განათლებისა და ტრენინგის სტრატეგია: პოლიტიკიდან პრაქტიკამდე“.
ღონისძიება განსაკუთრებით მნიშვნელოვანია, რადგან იგი ახალი ევროპული პროფესიული განათლების სტრატეგიის გამოქვეყნების შემდეგ გაიმართება და ერთ სივრცეში გააერთიანებს პოლიტიკის შემქმნელებს, პროფესიული განათლების დაწესებულებებს, ექსპერტებსა და ევროპელ პარტნიორებს. მონაწილეები განიხილავენ სტრატეგიის პრიორიტეტებს, პრაქტიკაში განხორციელების გზებს, სამომავლო დაფინანსების შესაძლებლობებსა და პროფესიული განათლების სექტორზე მის მოსალოდნელ გავლენას.
